【动漫节情报】Gameone 金庸古龙汇战动漫节【动漫节情报

2020-06-12 浏览量:178
【动漫节情报】Gameone 金庸古龙汇战动漫节【动漫节情报

讲开动漫电玩节,又点可以唔讲 Gameone?睇睇今年 Gameone 有咩睇有咩买先!

Gameone 今年会以「金庸 vs 古龙」为主题,由「高登女神」袁嘉敏带领 Ruby、仙乐都、翻版鸡扒妹以及翻版柏芝组成嘅「古龙队」,以及由项明星带领嘅一众台湾 Model 组成嘅「金庸队」,于开幕礼上一决高下。

展场入面亦设有一个同足球游戏有关嘅专区,不过究竟係咩Game呢?Gameone就话要到开Show后先公布,目前只知呢只係获得国际职业足球员协会(FIFPro)正式授权嘅大作,都係自由搭配球员果啲啦。

Gameone 今年会推出八达通网上充值 GO 卡服务,玩家可以用有 NFC 功能嘅手机以及自己张八达通卡,就可以为自己个户口充值。于展览期内于 Gameone 个 Booth 消费满 HK$1,000 更会免费得到GO仔限定八达通,每日只限送 100 张。

精品方面,《天龙八部3D》、《火凤燎原》、《古惑仔Online》、《我家公主最可爱》、《报告公主》等作品会有特别版新手包,《群侠传》会推出新(既)特典版,《海虎》会推纪念卡、《古龙群侠传》会推出首个特别版产品包、《火凤燎原大战》有一周年「以谋定天版」特别产品包、《SEGA创造球会》都推出一周年特别版大送虚宝。另外会场亦同步发售1:6陈浩南龙头版可动人偶以及1:6邱福龙可动人偶。

舞台方面都有唔少活动,有《SD高达》比赛、《劲舞团》挑战赛以外,仲有B.Gs、陈绮雯、BOP、岑日珈、9 RUSH等嚮唔同展览日于台上表演,仲有Gamone日赏美少女选举,都几多嘢玩架喎!

相关文章